شەفەق نیوز/ بانک ناوەندی لیبیا، ئمڕوو یەکشەممە، وسیان گشت کارەیلی لە وڵاتەگە راگەیان، دویای ئەو کە وەڕیەوبەر تەکنیکی زانیاری کەفتە وەر رفیان.
بانکەگە لە بەیاننامەیگ شەرمەزار رویداویگە کرد کە وە (رەفتارەیل ئاژاوە) ناوی نا، و ربگری لە وەردەوامی کار کەرت بانکی کەێد، و دووپات کرد کە دەسەوکارەو نیوود تا ئەو وەرپرسە مەرەقەز نەوود.
ئی کارەیلە لەسای ژاوەژاویگ تیەێد دویای گاڵداین وەبان پەلاماردان بانکەگە و تەقەلای لاوردن پارێزگاری، ئەوەیش دویای راگەیانن گلەوخواردنی جویر یەک دامەزراوەیگ سەروەریدار، دویای نۆ ساڵ لە پارچەبوینی.