شەفەق نیوز - وەدۊاچگن

بانک ئەی.ئێن.زێد، ئمڕوو جمعە، مەزەنەیلی ئەرا نرخ خام برێنت لە 31 دیسەمبەر کانوون یەکەم بەرزەو کرد ئەرا 105 دۆلار ئەرا هەر بەرمیلیگ لە 95 دۆلار ئەرا بەرمیلیگ لە وەرجەیە، و هوکار ئەوەیش گلەو دا ئەرا دۊرخستن نەمەنن کۆتوبەندە ماددییەیل کە بازاڕ نەفت وە کەمبۊن هیلێدەو وەرجە کۆتایی ساڵ.

بانکەگە دەسنشان ئەرا ئەوە کرد کە هەر ئاڵووزییگ گەورە لە ململانێ ئیران بوودە هوکار بەرزکردن نرخەیل نەفت ئەرا 120 دۆلار ئەرا هەر بەرمیلیگ یا فرەتر، لە وەختیگ کە هەر پێشکەفتنیگ دبلۆماسی جی متمانە هاوتا وەرد خاسترەوبۊنیگ بنەڕەتی لە بارودۆخ بارکردن شایەت نرخ خام برێنت پاڵ بنەێد ئەرا گلەوخواردن وەرەو مەودای 90–95 دۆلار ئەرا هەر بەرمیلیگ.

ئی مەزەنەیلە وە هاووەختی تیەێد وەرد ئەوەگ نرخەیل نەفت تووماری کرد، ئمڕوو جمعە، لە بەرزەوبۊنیگ لەناو نشانەیل ئەگەر دەسوەپیکردن وڵاتەیل یەکگرتگ ئەرا گورزە سەربازییەیل دژ وە ئیران، کە هەڕەشەی دروسکردن نیگەرانی نوو لە ناوچەگە دەێد کە شایەت زەرەد وە رەوانەکردن وزە بڕەسنێد.

خام "برێنت" بەرزەو بۊ و نزیکەو بۊ لە 118 دۆلار ئەرا هەر بەرمیلیگ، تا بڕەسێدە بەرزترین ئاست خوەی لە مانگ ئەپریل/ نیسان گوزەشتەو، لە وەختیگ مامەڵە وە خام ناوەندی "خوەرئاوای تێکساس" کریا نزیکەی 105 دۆلار.