شه‌فه‌ق نيوز/ دويه‌شه‌و خوه‌ينيشانده‌ره‌يل ئيرانى په‌لامار باره‌گاى پاسه‌وان شۆرش ئيرانى دان له به‌نده‌ر عه‌باس له باشوور ئيران و له‌ى باوه‌ته‌و، گرته‌يگ ڤيديۆيى بڵاو كريا، ك له‌تى تويڕه‌يى خوه‌ينيشانده‌ره‌يل ده‌ركه‌فێد له‌وه‌خت په‌لاماره‌يل.
له‌ى باوه‌ته‌و، سه‌رچه‌وه‌يل ئيرانى ئاماژه وه ئه‌وه كردن ك 4 خوه‌ينيشانده‌ر كوشيانه‌و نزيكه‌ى 10 كه‌سيش زه‌خمدار بوينه وه گوله‌ى پاسه‌وان شۆڕش له شار درود له پاريزگاى لوڕستاان له ناوڕاس ئيران.
جى باسه، خوه‌ينيشانده‌ره‌يل هتاف كيشن و قسه وه سه‌ران ئه‌و رژيمه ئه‌مه‌ن و له‌وانه‌يش عه‌لى خامه‌نه‌يى رابه‌ر باڵاو وه‌رپرسه‌يل تر و داواى چگن له‌ليان ئه‌كه‌ن وه‌ل ده‌رچگن هيزه‌يل پاسه‌وان شۆرش له سوريا و ده‌وڵه‌ته‌يل تر ناوچه‌گه‌و روێكردن له فه‌قير و نه‌داره‌يل ئيرانى و بار خرتو گوزرانيان.