شەفەق نیوز/ شاند دیبلۆماسی ئیران لەلای بەیروت، راگەیان کە موجتەبا ئەمانی باڵیۆز ئیران، کە لە ئەنجام تەقیان ئامێر پەیجەر لە لوبنان زەخمدار بوین، ئەوەسا وەینزیکە تیەێدە بان کار خوەی.
باڵیۆزخانەی ئیران لەبان پلاتفۆرم ئێکس وت: دویای نەشتەرگەری ئاسانیگ ئەرا چەو ئاغای ئەمانی، نوێنەرەیل تیم پزشکی دووپات کردن کە گیچەڵ سەختیگ نییە، دویای چەن کاریگ ە ماوەی کوڵیگ، باڵیۆز ئەمانی تەندروسیی خاسەو بوود و چوودە سەر کار خوەی.
لە ناوچەیلیگ جیاجیا لە لوبنان رووژەیل 17 و18ی ئەیلوول، ئامێرەیل پەیوەندیکردن وایەرلێز تەقیانەو، کە بویە هوکار کوشیان ٣٧ کەس و زەخمداری زیاتر لە ٣ هەزار کەس، کە تا ئیسە نەزانیاس چوین هەزاران لەی ئامێرەی لە وەیەک وەخت گشتیان تەقینەو.
باڵیۆز ئیران لەلای بەیروت، موجتەبا ئەمانی، یەکیگ لەو زەخمدارەیلە بوی، کە پەیجەر وەپییان تەقیەو لە لوبنان.