شەفەق نیوز/ جۆ بایدن سەرۆک ئەمریکا پەیمان ئازادکردن ئیران دا، و وت: ئەو ناڕەزایلە ک کار وەدژ حکومەت وڵاتەگە کەن، ئەوەسا وەینزیکە لە ئازادکردن خوەیان سەرکەفن.
بایدن لەناو هەڵمەتیگ هەڵوژاردەنی فراوانیگ لە کالیفۆرنیا هەنای دەیان کەس لە دەیشت وە تابلۆی پشتگیریکردن ناڕەزایل ئیران بوین، وت: نیەگران نەوون، ئەوەسا ئیران ئازاد کەیمن، ئەوەسا وەینزیکە ئازاد خوەیان کەن.
وەگورەی ئاژانس رۆیتەرز، بایدن قسەی فرەیگ نەکرد، و دیاری ریکارەیلیگ زیاتر نەکرد، لەناو ئەو وتارەیلە لە کۆلێژ میراکۆستا نزیک سان دیێگۆ.
ئەنجومەن ئاسایش نەتەوەیی لە ماڵ چەرمگ لەبان ئەو قسە نەهاتە دەنگ.
یە هەفتەمین هەفتەس دویای کوشیان ژینا ئەمینی ٢٢ ساڵان وەدەس پۆلیس ئەخلاق، ناڕەزایی ئیران گردیەسە وەر.