شەفەق نیوز/ جۆ بایدن سەرۆک ئەمریکا، ئمڕوو پەنجشەممە، هەڕەشەی رووسیا دا ک ئەوەسا جەهان لەوەر پەلامار ئۆکرانیا سزای دەێد، ئەوەیش دۊای ژنەفتن رممەی تەقینەوە لە پایتەخت ئۆکرانیا، و راگیانن مۆسکۆ دەسکردن وە ئۆپراسیۆنگ سەربازی لە خوەرهەڵات وڵاتەگە.
بایدن لە بەیاننامەیگ وت: ئەمریکا و هاوپەیمانەیلی لە ناتو ئەوەسا وە یەک رەفتار یەکلاوەکەر بەرسڤ پەلامار بیخود هێزەیل سەربازی رووسیا لەبان ئۆکرانیا دەن.
بایدن زوور کرد ک بۆتین وەگەرد ڕک وەرجەوەختی جەنیگ پەسەن کرد، ک ئەوەسا زەرەدەیل گەپیگ لە گیانەیل رەسنێد وە زیانەیلیگ مرۆیی، وتیش: رووسیا خوەی تەنیا وەرپرسە لەبان ئەو مردن و ویرانیە ک لەی پەلامارە بوودەو، ئەوەسا جەهان سزای رووسیا دەێد.