شەفەق نیوز/ دادگای ئیران، ئمڕوو دووشەممە، راگەیان باخەوانیگ کە لە گوزەشتە ئەرا دەرهێنەر ئیرانی داریوش مهرجوئی کارکردیە، دەرهێنەر و ژنەگەی کوشتیە لە بڕوار 15 ئۆکتۆبەر لەوەر ناکۆکی لەبان پویل.
سەرۆک دەسڵات دادوەری لە ناوچەی ئەلبۆرز نزیک ئیران حسێن فازلی هاریکەندی راگەیان، " گومان لێکریاگ سەرەکی باخەوان بویە لەناو ڤێلای مێرجوئی و لەوەر پارە لە مهرجوئی دڵگران بویە"، وتیش " دەرهێنەرەگە بڕ 30 ملیون ریال قەرزدار باخەوانەگە بویە و ئامادە نەبویە گلیەو بدەێد".
ئاشکەرایکرد" وەی تاوانە چوار کەس دەسگیرکریانە کە سیانیان تاوانبار سەرەکین یەکیگیان لەوەر دزی هاوکاريیان کردیە ک دوو مۆبایل و بڕیگ تەڵا لەماڵەگەیان دزیە لەمەوقەی رویداوەگە".