شەفەق نیوز ـ لاپاز

دەسەڵاتە خۆجێیەگان لە بۆلیڤیا، ئمڕوو شەممە، راگەیان وەلایکەم 10 کەس کوشیان و دەیان کەس تریش زەخمداربوین، وە مدوو تەقینەوەیگ لە بنکەی سەربازی لە شارۆچکەی فیاتشا کە دویەکە رویدا، کە نزیکەی 30 کیلۆمەتر لە لاپاز دویرە.

دەسەڵاتەیل، وە پای ئاژانس رۆیتەرز، وتن تەقینەوەگە نزیکەی ساعەت 2:30 دویای نیمەڕوو وەپای وەخت ناوخوەیان (18:30 وە وەخت گرینویچ) روویدا، لە ناوچەیگ کە ئەرا هەڵگردن ماددە ئاگرینەیل  وەکارتێد.

ریتا نبراسکا، وەڕێوەبەر تەندروستی فیاتشا، ئەرا کەناڵیگ تەلەفزیۆنی ناوخوەیی وت: مەزەنە کرێد لە ناوەین 10 تا 15 کەس وە مدوو تەقینەوەگە کوشیابوین، لەوەختیگ 62 کەس تریش زەخمداربوین.

وتیش؛ 14 کەس لە زەخمدارەیل ئەرا  خەستەخانەیل لە لاپاز کلکریانە، لەناویان دویەتیگە کە سزیاگی پلە سێی دیرێد.