شەفەق نيوز/ نرخ دۆلار ئەمریکی، وەرانەور تومان ئیرانی، ئمڕوو چوارشەممە، بەرزەوبوین نوویگ توومار کرد، تا رەسیە 94,000 تومان لە بازاڕ ئازاد، وەگەرد بەرزەوبوین جەنگ سەربازی ناوەین ئیران و ئیسرائیل، و بەرزەوبوین مەزەنەیل هاتن ئەمریکا وەناو چەنگ.

وەگورەی داتایەیل بازار ناو ناوخۆییر کە ئاژانس شەفەق نیوز لەلی ئاگادار بوی، نرخ بڕیگ لە دراوەیل بیگانەی سەرەکی بەرزەو بوی، و تومان وەردەوام بوی لە زەرەدکردن وەرانوەر دۆلار و جنیه ئەستەرلینی، لەناو رخباری مەردم لە شیواشیو ئابووری سەختتر ئەرا جەنگەگە فراوانترەو بوی. 

بازرگانەیل دارو لە تەهران وتن: بازاڕەگە کەفتیە رخباری بیدەنگیگ لە سای جەنگ بیوینە ناوەین تەهران و تەل ئەبیب، کە رەسیە رووژ شەشەمی، وەگەرد پەلامارەیل مووشەک و درۆنەیل ناوەینیان.

 وتنیش: قسە لەباوەت ئەگەر هاتن ئەمریکا ئەرا ناو جەنگ دژوە ئیران، هیشت زوور زیاتر باێدە بان پویل ئیرانی، کە زیاتر لە 6% لە ئەرزش خوەی لە سەرتای ئی هەفتەو زەرەد کردگە.