شەفەق نیوز/ عەلی یەرلی قایا وەزیر ناوخۆی تورکیا، بەرزەوبوین شمارەی قوربانیەیل لە ئەنجام هیزگردن ئاگر لەناو هوتێلیگ لە ویلایەت بولو باکوور خوەرئاوای وڵات راگەیان، کە رەسیە کوشیان 76 کەس.
قایا لە قسەیلی ئەرا رووژنامەنویسەیل، ئمڕوو چوارشەممە، وت: تا ئیسە هوکار ئاگرەگە نادیارە.
وتیش: کارەیل مینەکردن و وەشکین لە شوین رویداوەگە تەواو بوی، وتیش: شمارەی قوربانیەیل لە 66 ئەرا 76 بەرزەو بوی، و باس ئامار زەخمدارەیل نەکرد.
وتیش: 9 لە پشت ئاگرەگە دەسگیر کریان.
شەفەق دویەکە سێشەممە، ئاگر لەناو هوتێیلیگ لە شەست سڕسڕانەکی لە ویلایەت بولو باکوور خوەرئاوای وڵاتەگە هیز گرد.