شەفەق نيوز/ جوناثان رينولدز، وەزیر بازرگانی بەریتانیا، ئمڕوو یەکشەممە، ئاشکرا کرد کە حکومەت بەریتانیا لە پلانەیل ئەمریکا وە ئەنجامدان گورزەیل ئاسمانی وەبان ئیران ئاگادار بوی، وەلێ لەلی بەشداری نەکرد.

وەزیرەگە لە قسەیل تەلەڤزیۆنی وت: بەریتانیا داواکاری لە ئەمریکا ئەرای نەهاتیە ئەرا وەکارهاوردن سەربازگەی ئاسمانی دییگۆ گارسیا لە زەریای ئارام، وتیش: ئیمە پشتگیری لە قەیەغەکردن ئیران کەیمن کە بوودە خاوەن چەک ئەتۆمی، و پیشنیار رییگ دیبلۆماسی کردیمنر هەکاتی ئەو دەوڵەتەیل ئەوروپا، وەلێ ئیرانیەیل وەوە رازی نەوین.

 دڵنیای هاوڵاتیەیل بەریتانی کرد کە وڵاتەگەی ئامادەکاری خەسیگ ئەرا گشت ئەگەرەیل کەێد، هەرچەن حکومەت کەسی لەناو ئی پەلامارەیلە نەویە.

 وتیش: حکومەت چەن سیناریۆییگ دیرێد ئەرا مقیەتیکردن هاوڵاتیەیل بەریتانی لە ناوچەگە و شیوەی دەرکردنیان، وەگەرد مقیەتیکردن ژیرخانەیل و سەربازگەیل بەریتان ئەگەر خوازیاگ بوی.

شەوەکی ئمڕوو، ئەمریکا پەلامار ئاسمانی وەبان 3 دامەزراو ئەتۆمی ئیرانی دا، لەناوی فڕۆکەیل سایەڵ و بومبەیل ئاگرین دژوە قەڵغان وەکار هاورد، ئەرا پشتگیریکردن ئیسرائیل لە جەنگەگەی وەبان ئیران لە 13ی حوزەیرانەو، و توانای تەهران ئەرا دروسکردن ئۆرانیۆم.