شەفەق نیوز/ کیر ستارمەر سەرۆک وەزیرەیل بەریتانیا، وەزیریگ دەوڵەت لاورد، و ئەندامیەتیی لە پارت کرێکاران دەسەڵاتدار وسان، ئەوەیش لەبان پەیامەیلیگ لە ئەپلیکەیشن واتسئاپ کلیان کردیە، کە وە پەیام بەد دریانە قەڵەم.
ئاندرۆ جوین، کە وەزیر تەندروسی بوی، لەبان پلاتفۆرم ئێکس داوای وەخشین کرد، دویای راپۆرتیگ وەلایەن رووژنامەی میل ئۆن سەندەی کە وت؛ پەیامەیلیگ لەڕی ئەپلیکەیشن واتسئاپ کل کردیە، سووکایەتی وە دەنگدەرەیل و ئەندامیەیلیگ پەرلەمان لەناویان بویە.
جوین وتیش؛ وەداخەو کە پەیامەیلم بەد فامستنە، و داوای وەخشین کەم.
وتیش: خاس لەو بڕیارەیلە رسمەو کە سەرۆک وەزیرەیل و حزبەگە دەریان کردن، هەرچەن خەفەتبارم ئەرا وساننم، وەلێ هەر وەگشت شیوەیگ پشتگیری لەلی کەم.