شەفەق نيوز/ لە بەریتانیا، دەسکریا وە لێکۆڵینەوەیل ئەمنی خەسیگ دویای پەلاماردان چشتەیل سەرۆک وەزیرەیل کێر ستارمەر وە سێ ئاگردان، لەناو دیاریکردن کابرایگ گەنج گومان لەلی کریاس، و وەدویرنەزانستن دەوڵەتەییگ دوژمن دەسیان لەناوی بویە.

 پولیس دژە تیرۆر بەریتانیا لێکۆڵینەوەی فراوانیگ لە زنجیرەی پەلامارەیل ئاگردان جیوەجی کەێد، کە داراییەیلیگ کردنەسە ئامانج پەیوەندی وە سەرۆک وەزیرەیل دیرن.

 گومان لە گەنجیگ تەمەن ٢١ ساڵان کریەێد کە لە باشوور خوەرهەڵات لەندەن گریا، و لەبان سێ پەلامار لە باکوور لەندەن وەگەردی لێکۆڵینەوە کەن.

یەکەم پەلامار وەبان ماشینیگ وەرجەیە هن ستارمەر بویە، لەلای ماڵەگەی ئاگر دریا، و ئی ماشینە چەن ساڵیگ هن خیزانەگەی بویە، و دویای سەرکەفتنی لە هەڵوژاردن وە هاوساگەی فرەتەی. 

دویەم پەلامار، رەسیە دەر شوقەیگ کە لە هاوژین وەرینی لە نەوەتەیل سەدەی گوزەشتە سەنەی، و لە ساڵ 1997 فرەتەی، و هیمان وەناو خوەیە.

پەلامار سێیەم، لەبان ئەو ماڵ خیزانیە بویە کە ستارمەر لەلیەو دەرچگ ئەرا داونينگ ستريت دویای هەڵوژاردن، و ئیرنگە خوەشک ژتەی لەناوی نیشتیە، و زەرەد گەورەیگ وە دەرەگەی رەسیە، وەبی زەخمداری کەسیگ.

تا ئیسە ڕەگەزنامەی ئەو توومەتبارە ئاشکرا نەکریاس، و لێکۆڵینەوە دەس دەوڵەتیگ دوژمن یا هاندەر کەسی وەدویر نیەزانێد.