وەگورەی سەرچەوەیل ئەرا ڕووژنامەی (زە سەن) بەریتانی، مووشەکەگە کە کەپووڵ جەنگی وەپیەو نەویە، وە سەرکەفتگی وەشیاس، بەڵام قایمکەر قۆناغ یەکەم مووشەکەگە کار نەکردگە و مووشەکەگەیش کەفتیەسە ناو زەریا لە نزیک ئەو ژیردەریاییە کە لەلیەو وەشیاس.

 جی باسە کە ژیردەریاییەگە لە مەوقەی کەفتن مووشەکەگە لەژیر روی ئاوەگە بویە، و زەرەد وەپی نەڕەسیە.

تاقیکردنەوەگە لە ٣٠ کانوون دویەم گوزەشتە لە نزیک کەناراوەیل ویلایەت فلۆریدای ئەمریکا ئەنجامدریا.  ئەو مووشەکە پلان ئەرای نریاوێد کە مەودای 3700 میل (نزیکەی 6000 کم) بووڕێد تا بڕەسێدە شوین دیاریکریاگ خوەی لە زەریای ئەتڵەسی باشوور.

وەزارەت وەرگری بەریتانیا لە بەیاننامەیگ وت:  "رویداویگ ناسروشتی" لە مەوقەی تاقیکردنەوەگە بویە، و وەگەرد یەیش "تاقیکردنەوەگە کاریگەریی توانایل ریگری ئەتۆمی بەریتانیای چەسپانیە کە هیمان بیوەیە و کاریگەرە".