شەفەق نیوز/ وەزارەت ناوخوەی بەریتانیا لەیەودویا رەگەزنامە نیەێد وە ئەو پەنابەرەیلە وە بەلەم بویچگ و ری رخدار رەسنە وڵاتەگە.
ئەنجومەن پەنابەرەیل بەرتانیا ئوشێد، ئێ گامە بوودە مدوو ئەوەگ 71 هەزار پەنابەر نەتوەنن داوای ماف رەگەزنامەی بەریتانی بکەن.
گەورە وەرپرسەیل پارت پارێزگارەیل بەریتانا ئویشن، ئێ پرۆژە یاسا نووە کە لە ،رووژ دووشەممە ،ی وەرین خوەنین دویەم ئەرایکریایە، بوودە ریگر لە وەردەم پەنابەرەیل نایاسایی لەوەگ بوونە هاوڵاتی بەریتانی.
وەپای زانیاریەیل رووژنامەی گاردیانی بەریتانی، فرەیگ ئەو کەسەیلە وە بەلەم بویچگ ئەرا بەریتانیا چگنە دویاجار ماف پەنابەرایەتی وەپی دریایە فرەیگیان لەدویای ئەوە داوای رەگەزنامەی بەریتانی کەن، وەی مدووە بڕیاریگ جویر یە ناڕەزایەتی گەپیگ لەلی کەفێد.