شەفەق نیوز/ دەسەی ئێزگەی بەریتانی "بی بی سی"، خەوەردا لە هیزگردن ئاگر گەورەیگ لە ناوچەی پیشەسازی لە شار مانچستەر گەورە، کە سەدان کەس ناچار کرد ماڵیان چووڵ بکەن.

 دەسەگە وتیش؛ بەشیگ لە خەڵکەگە ناچار بوین ماڵەیلیان بیلنە جیەو دویای هیزگردن ئاگر ٤لەنتو ماشینیگ بارهەڵگر لە ناوچەی پیشەسازی لە مانچستەر گەورە، کە دویکەڵ خەسیگ لەلی و رممە لەلی هەڵسیا.

تیمەیل وەرگری شارستانی لە مانچستەر گەورە وتن؛ ئەو ئاگرە کە ماشینەیل بارهەڵگر سزان، لە مەزیەێ ئەنیس کلوز ویدینشو دویای ساعەت هەشت شەو هیزگرد.

 هەرلیوا، دەیان ماشین ئاگرکپەوکردن کار کردن، دویای نزیکەی سێ ساعەت لە کار ئەرا کپەوکردن ئاگرەگە کردنەی چوار ماشین.

وەرگری شارستانی هوشداری دا مەردم وە گرنگی بەسانن دەر و پەنجەرەیل لەوەر خەسی دویکەڵ و تەقینەوەیل وەردەوام.

 بین ميجان كاری، یەکیگ خەڵک ناوچەگە وت: چماێ ئاگربازی بوی، ئیجا دەنگەگە بەرزەو بوی، و دەنگ رممە وەردەوام بوی، تا نزیکەی چارەک ساعەتیگ، و دویکەڵ خەسیگ رەسیە ئاسمان.