شەفەق نیوز/ پارێزگار ولایەت کنتاکی لە ئەمریکا، ئمڕوو جومعە راگەیان، هەشت کەس گیان لە دەسدانە لە ئەنجام واران رفتیگ ک، دویەشەو،  بویە هوکار دروسکردن لافاو مەترسی بەرزەوبوین شمارەی قوربانیەیل هەس. 

پارێزگار ئاندی بشیر وت:" ئیە خەراوترین لافاوە لەی سەردەمە"، وە " وێرانکەر و کوشندە" وەسفی کرد، پیشبینی کریەێد وارانە تونەگە تا رووژ جومعە وەردەوام بوود، و شمارەی بیسەروشوینەیل نادیارە". 

وتیش:" ئیرەنگە پشت راست گیان لە دەسدان هەشت کەس بکەم، باوجی ساعەت لە دویای ساعەت شمارەگە روی لە زیای بوین کەێد". 

و لە ناوچەی جاکسۆن سەر وە ولایەت کنتاکی، بریگ لە ریەیلە  بوینەسە چەم، و ماشین وەجیمەنی لە گشت شوینیگ هەس، لەوەر بارودۆخەگە دانشتگەیل ئەرا بان خانگ ماڵەیلیان چگنە، چەوەی قوورتارکردنیانن. 

سەرۆک دیموکراتەیل لە چەن ناوچەیگ باری نائاسایی راگەیان، و چوار کۆپتەر سەر وە پاسەوان نیشتمانی بڵاوکرد، وەگەرد بەلەمەیل لاستیکی، ئەرا دەسمیەتیدان قوورتازکردنیان. 

وتیش، شمارەی بی سەروشوینەیل نەزانیایە" تا ئیسە شمارەی بی سەروشوینەیل نەزانریاگە چوینکە نەتوەنستنە بڕەسن وە شوینەیل دیاریکریاگ لەوەر شەپوولە تونەگە".  هانە بارودۆخ سەختیگ، وتیش،"  هەزاران کەس ماڵەیلیان لە دەسدان ئی رویداوە ک نە مانگیگ بەڵکم چەن ساڵیگ تواێد تا ئەو خێزانەیلە بتوەنن دوارە بینابکەن و خاسیانەو بکەن".