شەفەق نیوز- مەنامە
فەرماندەیی گشتی هیز وەرگری بەحرەین، رووژ چوارشەممە، ریگریکردن لەوەگ وە "دەسدریژییەیل ئیرانی ناپاک" ناوی هاورد راگەیان.
فەرماندەییەگە لە بەیاننامەیگ کە ئاژانس شەفەق نیوز چەوی وەپی کەفتگە، وت کە "سیستمەیل وەرگری ئاسمانی وە هیز وەرگری بەحرەین ریگری و وەرپەرچ و ویرانکردن شمارەیگ لە دەسدریژییەیل ئاسمانی لە شەوەکی زۊ چوارشەممە کردن"، دیاری کرد کە "گشت چەک و یەکەیلی لە بەرزترین پلەیل ئامادەیین، و لەوپەڕ ئامادەباشی وەرگرین ئەرا پاراستن شانشینەگە".
هەمیش فەرماندەیی گشتی داوا کرد وە "وەرگردن هوشیاری، و نزیکنەکەفتن لە هەر تەنیگ نامۆ یا گومانلیکریاگ کە لە جیماگەیل دەسدریژی ئیرانی ستەمکار دروس بۊە، و دەسوەجێ خەوەرداین لەلی"، دووپات کرد لە "ئامادەیی تەواو ئەرا رەفتارکردن هونەری ئارام وەگەرد ئەو تەنەیلە، ئەرا مسۆگەرکردن بیوەیی گشتی ئەرا گشت هاووڵاتی و نیشتەجیەیل".
فەرماندەیی گشتی دووپات کرد کە "وەقەس وەکارهاوردن موشەکەیل و فڕۆکەیل بێفڕۆکەوان لە ئامانجگردن مەدەنییەیل، وە پێشێلکارییگ زاق ئەرا یاسای ناودەوڵەتی مرۆیی هەژمار کریەێد".
سوپای ئیرانی، شەوەکی زۊ چوارشەممە، جیوەجیکردن پەلاماریگ لەبان دامەزراوەیلیگ راگەیان کە وت هیزەیل ئەمریکی وەکاریان تیارن لە بنکەی شێخ عیسای ئاسمانی لە بەحرەین، لە چوارچیوەی ئەو پرۆسەیلە کە تاران جیوەجیکردنیان کەێد چۊ جواویگ ئەرا پەلامارەیل ئەمریکی.
پەلامارە نووەگە دۊای دووارە دەسوەپیکرد گورزەیل هیزەیل ئەمریکی لەناو ئیران لە شەو سێشەممە تیەێد.