شەفەق نيوز/ ڕاپۆرتەیلیگ خەوەری، ئمڕوو سێشەممە، خەوەردان لە بڕیان فراوانیگ ئینتەرنێت لە پارێزگایەیلیگ ئیران.
کەناڵەیل خەوەری وتن: وەکارهاورەیل لە پارێزگایەیلیگ ئیران ئاگادار لە بڕیان فراوانیگ لە ئەنتەرنێت کردن، و لە ناوچەیلیگ ترەک فرە یەواشە.
هەرلیوا، لە شەفەق ئمڕووەو، ئەنتەرنێت لە تەهران پایتەخت بڕیان و وەرەودویاچگن گەورەیگ لە کوالیتی پەیوەندیکردن وەخوەی دوینێد.
دویەکە دووشەممە، فاتیمە مهاجرانی قسەکەر حکومەت ئیران وت: بڕیار کەمکردن توانای ئینتەرنێت جویر ریکاریگ وەختانە تیەێد، وە ئامانج نواگیریکردن پەلامارەیل سیبرانی وەبان ژیرخانەیل ئەلیکترۆنی دەوڵەت.
لە کۆنگرەیگ رووژنامەوانی وتیش: ئی ریکارە گرنگە ئەرا دڵنیابوین لە بیوەیی تووڕەیل و مقیەتیکردن داتایل مەردم، دووپاتیش کرد کە وەگەرد تەواوبوین هەڕەشەیل ئەمنی ئینتەرنێت ئەرا سروشت خوەی گلەو خوەێد.