شەفەق نیوز/ "جاش گاوالووا" تووپان‌واز ئوسترالیائی ک ها دە تیم "ئادلاید یوونایتد" وە خاتر قسەی ئەڵاجەویێ ک کردگە ئی رووژەێلە فرە نام در کردگە.
ئەوی وە چەواشەێ گشت تووپانوازەێل دنیا ک هام‌جنس‌بازەکی دکەن و ئەوشارنەێ، دە بان لاپەڕەێ شەواچە مەجازییەگەێ خوەێ وتگە ک هام‌جنس‌بازە و یە شەش ساڵە هە دیرێ لام‌جی دکەێ ک ئی چشتە ک دڵخواز خوەیە بویشێ‌وە یا لە گشت بشارێگەێ‌وە.
ئەوی نووسانگە: م وێم و وڕم یە بی ک ئەر وڵاتوەندەێلە بزانن جوورێ تر بنووڕن وەم یا قەشمەری وەم بکەن و ببمە قەشمەرجاڕ وڵات ک ئێسە دیمە لەێ‌وا نییە و کەسێ وە خاتر ئی قسە و ئی هووکارە بیینمەوە وە هام‌جنس‌بازییەگە، بێ‌ڕێزی و تیر و تانەێ وەم نەداگە و تازەیش فرەتریش لایینم داشتنە.
ئی تووپانوازە یەکم وازیکار حرفەئیێگە دە دنیا ک وەێجوورە وڵات لە خوەێ ئەوڕەسانگە و وتگە لە یەو لاویش دخوازم چشتەێل شەخسیێ ک هە هن خوەم بینە، فرەتر ئەڕا مەردم وازاوە بکەم.
بڕ فرە کەمێ لە تووپانوازەێل ناسریاگ دنیا ک هووکارەێ ئی کارەنە، چگنەسە ژێرێ و جاڕ خوەیان کیشانە.