شەفەق نیوز/ ویلایەت کالیفۆرنیای ئەمریکا، ئامادەباشی راگەیان ئەرا نواگردن بڵاوبوین بیماری ئاوڵەی مەیمون لەناوی، و جۆ بایدن سەرۆک ئەمریکا، راویژکاریگ سەرۆکایەتی ئەرا ئی ئەرکە دانا.
کالیفۆرنیا بویە سێیەم ویلایەت ک ئاست ئامادەباشی تەندروسی ئەرا ئی بیماریە بەرزەو کرد ک وەزوی بڵاوە بوود، ئەوەیش وە ماوەی چوار رووژ، وەگورەی رووژنامەی نیویۆرک تایمز.
ئی راگەیاننە دویای ریکارەیلیگ هاوشیوە لەلایەن نیویۆرک هات لە رووژ جمعە، و ئیلینوی لە رووژ دووشەممە.
سەرۆک بایدن، ڕۆبەرت فینتۆن دانا جویر هەماهەنکار نیشتمانی ئەرا ئامادەباشی لەنوای ئاوڵەی مەیمون، لە تەقەلایگ ئەرا خاسەوکردن ئامادەباشی حکومەت فیدراڵی لەنوای ئی بیماریە، وەگورەی رووژنامەی ووڵ ستریت جورناڵ.
ماڵ چەرمگ وت: فینتۆن وەڕیەوبەر هەرێمیە ئەرا ئاژانس فیدراڵی لە وەڕیەوبەرایەتی ئامادەباشی، وسەرۆک وەرینە وە جینشینی لە ئاژانسەگە، ئەوەسا جویر هەماهەنکار ئەرا ئاوڵەی مەیمون کار کەێد.