شەفەق نیوز/ پشیوییەیل ئی دویاییە بازاڕ بەڵێندەرایەتی لە میسر هیشت کۆمپانیا ناوخۆییەیل کارەیلیان لە دەیشت وڵات لە عراق و لیبیا فراوانتر بکەن، وەگورەی وتەی گەشەپیدەرەیل خانووبەرە میسری.
ماڵپەڕ “الشرق بلومبێرگ” لە میدیای میسری بڵاو کرد کە ئامانج لەی جویلەکردنە وەدەسکەفتن ئەو پڕۆژەیلە لەو وڵاتەیلە کە بەرهەهاوردن ملیاری ئەرا ئاوەدانکردن و گەشەپیدان تەرخان کەن، جویر عراق و لیبیا، یەیش وەختیگ کە بەرهەمهاوردن حکومەت میسر لە بوارەیل ژیرخانی و بەڵێندەرایەتی، جویر بەشیگ لە پلانیگ ئەرا خوەشکردن شوین ئەرا کەرت تایبەت.
حکومەت میسر خەرجییەیل بەرهەمهاوردن لە بودجەی ساڵ دارایی ئیسەی ٢٠٢٣-٢٠٢٤ وە ریژەی نزیکەی ١٥% کەمکرد، بەڵام ئەو پڕۆژەیلە دەرکرد کە ریژەی تەواوبوینیان لە ٥٠% رەد کردگە.
ئەنجامدان هەر گریەبەسییگ لەبان پڕۆژەیل قەیەغە کریا، چ وە فەرمان ڕاستەوخۆ بوود یا تەندەر گشتی، تا کۆتایی ساڵ دارایی ئیسە.