شەفەق نیوز/ دەسڵاتدارەیل میانمار، ئمڕوو پەنجشەممە، راگەیانن، شمارەی قوربانیەیل زەویلەرزە تونەگەی کە دا لە وڵاتەگە ئەرا زیاتر لە هەشت هەزار کەس بەرزەوبوی لەناوەین کوشیان و زەخمداری و بی سەروشوینەیل.

ئاژانس خەوەری "شینخوا" لە زوانی  قسەکەر ئەنجومەن سەربازی فەرمانرەوای سەربازی میانمار راگەیان، شمارەی کوشیاگەیل رەسیە ئەرا  3085 کەس و تا ئیسە،  341 کەس بی سەروشوینن،  و  4715 کەس زەخمدارە، لەدویای شەش رووژ لە زەویلەرزەگە کە هازەگەی رەسیە 7.7 پلە لەبان پەیمانەی رێختەر.

 سەرۆک ئەنجومەن سەربازی، مین ئۆنغ هلاینغ، دویەشەو چوارشەممە، راگەیان، رێکخریاگەیل قورتارکردن هیوادیرن ئەرا قورتارکردنیان لەژیر رمیاگەیل.

رێکخریاگەیل فریاگوزاری هووشداری دەن لەوەگ هاتێ شمارەی راستەقینەی بیسەروشوینەیل فرە زیاتر بوود لە ئامارەیل فەرمی.

وەپای  رووژنامەی "زە نەیشن"، شمارەی کوشیاگەیل زەویلەرزەگەی  بانکۆکی پایتەخت تایلەن تا 29 کەس بەرزەوبویە، دویای ئەوەگ فریاگوزارەیل تەرم زیاتر لە شوین رمانن بینایگ 30 نهۆمی و تەواونەکریاگ پەیاکریاس.