شەفەق نیوز- پەکین

ئامار قوربانییەیل لافاوە ویرانکەرەیل کە مانگ گوزەشتە لە باشوور چین دان بەرزەو بۊ ئەرا 159 کەس.

 زریان "مایساک" ویرانکارییگ فراوان لە بەشەیلیگ لە باشوور چین لە یۆلیۆ (تەمموز) دروس کرد، و بۊە مدوو وارانەیل فرەیگ و رۊداین لافاوەیل تونیگ لە ناوچەی گوانگشی، کە میدیایەیل راگەیانن فەرمی لەو مەوقە خەوەر دان کە 39 کەس لە هەرێمەگە گیان لەدەس دانە.

 تەلەفزیۆن چینی فەرمی راگەیان کە کارەساتەگە تا رووژ جمعە "بۊەسە مدوو 159 حاڵەت گیانلەدەسداین و 10 دیارنەماگ".

 تەلەفزیۆن حکومی زیاتر وت کە "رووژنامەنویسەیل لە گردەوبوینەیل جیاواز کە لە هەردوگ شار ناننینگ و گویگانگ لە گوانگشی بەسیان ئەرا قسەکردن لەباوەت کارەیل خاسەوبۊن و دووارە ئاوەدانکردن دۊای زریان مایساک زانستن... کە کارەساتەگە کاریگەری لەبان زیاتر لە 1.65 ملیۆن کەس لە هەردوگ شارەگە هیشتەسەو".

 دەسنشان ئەرا ئەوە کرد کە "هەردوگ ناوچەگە وە تەواوی چینە وەرەو خاسەوبۊن و دووارە ئاوەدانکردن دۊای کارەساتەگە".

 زەرەدمەنبۊن بەنداو لیولان لە گوانگشی بۊە مدوو هاتن لافاوەیلیگ لە ئاوەیل لیتاوی وەرەو ناوچەیلیگ کە کەفنە ئاوڕیژەگە، ئەوەگ بۊە مدوو کوشیان 26 کەس لەلای کەمەو و بیسەروشوینی هەفت کەس ترەک، وەپای ئەوەگ ئاژانس چین نوو (شینخوا) لەو وەختە رایگەیانۊد.

 بەنداو لیولان تەنیا بەنداویگ نەۊ کە زەرەدمەن بۊد، چۊنکە بەنداویگ بۊچگتر لە قەوارە لە نزیک ناوچەی گانتانگ ڕمیا، وەپای ئەوەگ خەڵک ناوچەگە ئەرا ئاژانس فرانس پرێس لە تەمموز / یۆلیۆ خەوەر دان.