شەفەق نیوز/ فیراس ئەبیەز وەزیر تەندروسی لوبنان، ئمڕوو شەممە، ئامار نوویگ ئەرا قوربانیەیل تەقیان پەیجەر و گورزەیل ئیسرائیل ئاشکرا کرد.
ئەبیەز وت: گورز دویەکەی ئیسرائیل وەبان پەڕ باشوور بەیروت، بویە هوکار کوشیان ٣١ کەس، سەرکردەیلیگ لە حزبولڵا هاناویان.
وتیش: سێ مناڵ و هەفت ژن کوشیانە وەگەرد زەخمداری ٦٨ کەس.
وتیش: بڕ گشتی کوشیاگەیل تەقیان ئامێرەیل پەیجەر و وایەرلێز ووکی تۆکی و گورزەگە وەبان پەڕ باشوور بەیروت رەسیە ٧٠ کەس، دیاری کرد کە شمارەی زەخمدارەیل وە تەقیان پەیجەر کە هیمان هانە ناو خەسەخانەیل ٧٧٠ کەسە، ١٥٢ لەلییان هانە ژیر چەودیاریکردن هویرد.
دووپات کرد کە زیاتر لە دوو هەزار نەشتەرگەری ئەرا زەخمدارەیل کریاس.
وەزیر تەندروسی لوبنان وتیش: ئامار قوربانیەیل تەقیان وایەرلێز لە رووژ چوارشەممە، رەسیە ٢٧ کوشیان، وەگەرد ١٢ کەسیش لە رووژ سێشەممە وە تەقیان پەیجەر کوشیانە.