شەفەق نیوز - دیمەشق
ئمڕوو چوارشەممە، چۊ ئاماریگ سەرەتایی 8 کەس وە مدوو تەقینەوەی ئەمماریگ تەقەمەنی لەبان ری "سەرمەدا" لە دەیشتایی باکوور ئدلب لە سوریا زەخمدار بۊن.
سەرچەوەیگ ئەمنی ئەرا ئاژانس شەفەق نیوز دووپات کرد کە تەقینەوەگە لەناو ئەمماریگ وەختانەی تەقەمەنی لەبان ئەو ریە کە رەسێدە شار سەرمەدا رۊی داگە، لە وەختیگ تا ئیسە مدووەیلی یا بڕ ئەو زەرەدەیلە کە لەلی کەفتنەو دیار نییە.
تیمەیل فریاکەفتن و وەرگری شارستانی دەس کردنە رەفتارکردن وەگەرد شوین رۊیداوەگە، لە ناو وەردەوامبۊن کارەیل لێکۆڵینەوە و مەزەنەکردن زەرەدەیل.