شەفەق نيوز/ میدیایل راگەیانن فەرمی، ئمڕوو یەکشەممە، وتن شمارەی کوشیاگەیل ئەو زەویلەرزەس تونە کە داد لە میانمار لە 28 ئادار کوزشتە ئەڕا 3471 کەس بەرزەو بوی وەگەرد 4671 زەخمدار و214 بیسەروشوین.

ئەوەیش لە وەختیگ تیەێد کە ئاژانسەیل وەهاناڕەسین وتن ئەو وارانە کە لە ساعەتەیل گوزشنە لە میانمار واریە تەقەلای رزگارکردن سەختەو کرد و رخداری بڵاوبوین بیماری زیای کەێد.

وتنیش: واران ناوەرزی وەرد گەرمی فرە هیلێد بیماریەیلیگ جویر کولێرا لەناو ئەو کەسەیلە بڵاو بوون کە لە زەویلەرزەگە رزگار بوینە و هانە ناو چادر.

 توم فليتشر گەورەی وەرپرسەیل رزگارکردن لە نەتەوە یەکگرتگەیل وت: خیزانەیل لە وەردەم رمیاگەیل ماڵەیلیان خەفن، لە وەختیگ کەسوکارەیلیان لە ژیر رمیاگەیل وە مردگی درارن، رخ گەورەیگ هەس لە زەویلەیلیگ زیاتر.

وتیش: چادر خوازیمن و خوازیمن ئومید وە رزگاربویەیل بیەیمن تا ژیان خویان گلەو بیەن.

دەوڵەتەیل هاوسای میانمار جویر چین و هندستان و دەوڵەتەی باشوور خوەرهەڵات ئاسیا، دەسمیەتی و تیمەیل رزگارکردن لە هەفتەی گوزەشتە کلکردن تا دەسمیەتی ئەو ناوچەیلە ببەن کە زەرەد زەویلەرزە وەپییان رەسیە کە نزیکەی 28 ملیۆن کەس نیشتەجییویە.