رووژنامەی "میرۆر" بەریتانی راگەیانیە، "ئۆپەراسیۆن ئازادکردن باوگ لویس دیازی کۆڵۆمبی، بازیکەر ئینگلیزی لیڤەرپوول، لە کۆڵۆمبیا رەسیە ئەنجام، پولیسیش توەنست باوگ دیاز رزگار بکەێد، دوایی چەن ساعەتیگ لە ئازادکردن داڵگی لە تەقەکردنیگ کە بویە مدوو کوشیان دوو کەس لە کۆڵۆمبیا”.
میدیا ناوخۆییەیل هەواڵ رفیان لویس مانوێل دیاز و سێلینیس مارولاندایان بڵاو کردن، کە داڵگ و باوگ لویس دیازن لەبان ری ماڵەو، لە بەنزینخانەیگ لە گواجیرا لە باکوور وڵات لەلایەن بڕفنەیل ڕێگری لەلیان کریا، باوگ دیاز وە ماتۆڕسکیل بریایە، لەوەختیگ داڵگی وە ماشینیگ چوار پاچگ بریا.
دەسەڵاتدارەیل کۆڵۆمبیا ئاشکرای کردن کە گاڵدەر رفیانەگە ئەرا وەرگردن سەرانە بویە، دویای ئەوە کە پولیس توەنست داڵگی لە دەس بڕفنەیل ئازاد بکەێد، کە باوگی بیسەروشوین بویە، تا ئەو مەوقەگ سەرۆک کۆلۆمبیا ئازادکردن داڵگ ئەسارەی لیڤەرپوڵ ڕاگەیان، دویای ئەو وە شیوەیگ شەخسی دەسدادە وەر لە سەرپەرشتیکردن ئۆپەراسیۆنەیل پولیس ئەرا گلەوداین رفیایەیل.