شەفەق‌نیوز/ یە چوار پەنج رووژە کار سەمبووڵیکێ ک "جۆبایدن" کرد، چوون ک وەچەواشەێ عورف دیپلوماتیک بی، بییەسە دەس‌پێچگانێ ئەڕا قەژمەرجاڕی سەران جومهووری‌خواز و دموکراتەێلە دە ئامریکا و بییەسە هووێ ئەڕا تیتاڵی هووز میدیاچییەێلە دە گشت دنیا.

جۆبایدن، دە هەنساێ قسەوانیێ ک دە کالیفرنیا وە خاتر وەرگرتن دەنگ و ڕای وەردەنگەێلە ئەڕا کاندیداێلەی حزب دموکرات دە ئنتخابات نام‌بەێن دەورەئی، دکرد وەختێ ک نام "ترامپ" سەرۆکەێ وەر ژە خوەێ هاورد، وە دەس، نیشانەێ سەلیبێ دە رچ سینگ خوەێ کیشا.

سەلیب کیشان، جوور وە گورمچەێ داین ئەڵە سینگ و هەپ‌هەپ وتنەێلەێ کەێوانووەێلەێ کار خوەمانە ئوو هەمیش جوور "کڕ داوو" کیشانەگەمانە ئەڕا یە ک شەڕ و نهاتی لە کەسێ دوورەو بکرێ.

 ئامریکائییەێلە دوفێشتر مەسیحییەێلە تۆندوتێژەێلە، ئەڕا خاتر تاڕانن "شەیتان" ئی کارە دکەن و چمان وەێ کارەوە، حەزرەت عیسا مەسیح وە هانایی خوەیان و تەزانن شەیتان، دچڕنەو.