رووژنامەی "ئینديا تودەی" وت: پارچەیلیگ لە مووشەک  "لۆنگ مارش 2 سی" چینی کە مانگ دەسکرد هەڵگردوێد، و دویەکە وڵات چین و فەرەنسا وە هاوبەشی وەشاننەی، کەفتە نزیک ناوچەیگ نیشتەجیی.

رووژنامەگە وتیش: ئەو مووشەکە وەگەرد مانگ دەسکرد وەناو (SVOM)، لە ناوەند "شيتشانگ" لە ساعەت 3:00 شەوەکی دویەکە وەشیاس.

پارچە ڤیدیۆییگ لەبان سۆشیال میدیا بڵاو بوی، نشان کەفتن بەشیک لە مووشەکەگە دا وەبان ناوچەیگ نیشتەجیی، کە زیڕە خستە ناو مەردمەگە، و ناچاریان کرد مینەی شوین ئارامیگ بکەن. 

وەگورەی ئەو رووژنامەی هندیە، کەسەیل فرەیگ باس نیگەرانی خوەیان کردن لە هەڵمژین ئەو مادەیل ژەهراوەیە لە مووشەکەگە.

وەلێ دەسەڵاتەیل چینی سەرکەفتن ئەرکەگە راگەیانن، و دووپات کردن کە ئەو مانگ دەسکردە ئەرا توومارکردن دویرترین تەقیان هەسارەیل کلکریاس، رەسیە شوین خوەی.

وەگورەی ئیدارەی ئاسمانی نیشتمانی، ئەرک مانگە دەسکردەگە توومارکردن دیاردەیل ئاسمانیە، لەلیان تەقینەوەیل تیشک گاما.