شەفەق نیوز/ ئمڕوو سێشەممەی، دەزگای پەخش ئیران، ئەپ پەیامکلکردن  زویوەزوی واتسئاپ وە گردەوکردن زانیاری ئەرا مۆساد ئیسرائیلی توومەتبار کرد و داوا لە هاووڵاتیەیل کرد کە ئەو ئەپلیکەیشنە بسڕنەو.

ئی بانگەوازە دوایی ئەوە تیەێد کە قەیەغەکردن ئەپەکە لە ئیران دووارە چەسپیا دویای پەلامارە ئاسمانییەیل ئیسرائیل کە شوینەیل ناو خاک ئیران کردنە ئامانج، وەگورەی ڕاپۆرتە میدیا ناوخۆییەیل.

حەمید رەسائی ئەندام ئەنجومەن شوورای ئیسلامی ئیران وەرجەیە داوا کردوێد کە ریکارەیل "تون و زویوەزوی" ئەرا مقیەتیکردن سەرکردە باڵا سەربازییەیل و زانایەیل ئەتۆمی ئەو وڵاتە جیوەجی بکەن و پیشنیار کرد دەس بنەنە بان مۆبایل ئەو سەرکردەیلە و بنەماڵەیلیان و جویر ریکاریگ مقیەتبوین لە پێشێلکارییە ئەمنییەیل کە ئەگەری دیرێد بوودە مدوو تیرۆرکردن.

یەیش لە وەختیگ کە ئاژانس خەوەری فارس ئیران، دویەمە دووشەممە لە ڕاپۆرتیگ وت: ئیسرائیل لە تەکنۆلۆژیای وەشوینکەفتن مۆبایل، تەنانەت لە وڵها کوورەوبوینیش ئەرا پەیاکردن و تیرۆرکردن سەرکردە سەربازییەیل وەکار تیەرێد، وەرپرسەیل و زانایەیل ئەتۆمی ئیران وەکەڵک تیارن.

دەسەڵاتدارەیل ئیران لە کانوون دویەم ٢٠٢٤ قەیەغەکردن واتسئاپ هەڵگردن لە چوارچیوەی تەقەلا ئەرا کەمکردن سنووردارکردن ئینتەرنێت، بەڵام هەڵکشیان ئاسایش ئی دویاییە سنووردارکردنی هەڵگرد.