شەفەق نیوز/ وەزیر وەرگیری ئیسرائیل یسرائیل کاتس، ئمڕوو شەممە، دووپاتکرد هێزەیل ئیسرەئیل وەردەوامن لە پەلامارداین ئیران و وە ئامانجگردن شوینەیل ستراتیژی وەپای پلان دانریاگەیل وەرین.

وەزیر وەرگیری ئیسرائیل وت رژێم ئیران کڕ سوور بڕییە وە مووشەک وشانن لەبان بەرەی ناوخوەی باجەگەیشی دەێد.

لە وەختیگ کە لە ئمڕوو شەممە سێ ئیسرائیلی کوشیا و دەیانیش زەخمداربوین لەری مووشەکەیل کە ئیران ئاراستەی ئیسرائیلی کەێد، جویر جواودان ئەو پەلامارەی کە ئیسرائیل لە رووژ جومعە 13 یونیو دەسوەپیکرد، کە لەرێیەو  دامەزراوەیل ئەتۆمییەگان و ژێرخان سەربازی کردە ئامانج و شمارەیگ لە سەرکردە سەربازی و ئەمنییەگان ئیران و زانایایل ئەتۆم کوشیان.

لە شەوەکی شەفەق رووژ جومعە  ئیسرائیل ئۆپەراسیۆنیگ سەربازی خەس ئەنجامدا و شوینە هەستیارەیل ئیران کردە ئامانج و دیارترینیان شوینەیل ئەتۆمییەگانە.