شەفەق نیوز/ کشاوەرزیگ هیندی، زوان خوەی بڕێد، وکردەی قوربانی ئەرا خودایلی لە پەرستگاییگ هیندۆسی.

وەگورەی قسەی پۆلیس هیندستان،  ئەو پیاوە لە تەمەن جل ساڵی  زوان خوەی وە چەقوو بڕێد، ک زیڕە خستە ناو ئەو مەردمە لەو پەرستگا لە شار ئەوتار برادیش.

ئەبهیلاش تیواتی لە پۆلیس هیندستان ئەرا ئاژانس فرانس پڕس وت: لە سەرەتا ئەو پیاوە وەگەرد ژنەگەی نماز لە پەرستانە خوەنستن، ئیجا پیاوەگە چەقوویگ لە گیرفانی دراورد، و زوان خوەی بڕێد و خستەی دەر پەرستگاگە.

تیواری وتیش: ئەندامەیل پۆلیس لە پەرستگاگە رەسینە هانای پیاوەگە وە دەسمیەتی نمازخوەنەیل و بردنەی ئەرا خەسەخانە.

وتیش: ژنەگە ئەرا پۆلیس وتیە: شویەگەی زوان خوەی کردیەسە قوربانی پەرستگا، باوجی باس هووکاریگ ئەرا ئی کردەوە ئاشکرا نەکرد.