شەفەق نیوز/ لە رویداویگ دڵتەزن لە پارێزگای غەربیەی باکوور وڵات میسر، پیاییگ سەر کوڕ کوورپەی لە لەشی جیاوە کرد، هەناێ لە ژیر کاریگەری وەکارهاوردن هووشبەری بویە.

 دەسەڵاتەیل میسری ئاگاداری لە کوشیان و سەربڕیان کوورپەیگ لە تەمەن 8 مانگان وەدەس باوکی لە ئاوای شبراتو ناوەند بەسیون وەرگردن.

هیزەیل ئەمنی رەسینە شوین رویداوەگە، و باوگە دەسگیر کردن، و دویای وەشکین دەرکەفت کە باوەگە سەر کوورپەی لە لەشی جیاوە کردگە.

وەگورەی قسەی وەچەودیەیل و هاوسایل، باوگە بکوشەگە کار لە پەس و ئاژەڵ کەێد، و دویای دەمەقاڵیگ گەورە وەرد ژنەگەی لەبان وەکارهاوردن هووشبەری هاتیە توڵە لە ژنەی بسینێد ئەو تاوانە جیوەجی کردگە.

باوگە مناڵەگەی ئەرا ناو ژوورەگەی خوەی بردیە، و چەقوویگ وە گشت بیباکییگ کیشاس، و سەری لە لەشی جیاوە کردگە، دویای ئەوە چگە ئەرا بنکەی پولیس بەسیون تا خوەی بەێدە دەس.

تەرم مناڵەگە ئەرا خەسەخانەی گشتی بڕیا، و دەسکریا وە لێکۆڵینەوە.