شەفەق نیوز/ ئیسحاق دار وەزیر دەیشت پاکستان، ئمڕوو سێشەممە، هوشداریدا لەوە مو رێککەفتن ئاگربەس وەرد هیندستان "لە رخداریە" ئەگەر کێشەی ئاو چارەسەر نەکرێد، وتیش: وڵاتەگەی هویچ دەسیگ لە پەلامارەیل مانگ گوزەشتە لە کشمیر نەیرێد.
وتیش: دۆناڵد ترەمپ، سەرۆک ویلایەتە یەکگرتگەیل ئەمریکا پشتیوانی لە تەقەلایل پاکستان کەێد ئەرا نواگیریکردن تیرۆر، وە دەسنشان پۆستەگەی کە لەناوی باس لە "پەیاکردن چارەسەر" کرۆ ئەرا قەیران کشمیر و وتیش؛ "ئەگەر باوەڕیان وە تەقەلایل ئیمە نەویاتاد، وەنە وەی شیوە هاوکاری نەکردن".
لە دیداریگ وەرد سی ئێن ئێن، دار هوشداریدا لەوە کە ئاگربەسی ناسک ناوەین هیندستان و پاکستان ئەگەر چارەسەر نەکرێد "قەیران ئاو لە کشمیر"، وە دەسنیشانکردن ناکۆکی وەردەوام لەبان رەسین وە ئاو چەمەیل، ئەگەر رمیان ئاگربەسیەگە هەس.
ئاشکرا کرد کە چارەسەری پێشنیارکریای پاکستان بریتییە لە پێچەوانەکردن بڕیارەگەی هیندستان ئەرا بەسانن سێ چەم کە گرنگن ئەرا ئابووری پاکستان.
ئی ناکۆکیە دویای ئەوە تیەێد کە راپۆرتە میدیایەیل هیندستان باس ئەوە کردنە کە چگن ئاو لە بەنداو باگلیهار لە بەش کشمیر کە لە ژیر کۆنترۆڵ هیندستانە کەمەو بویە کە بویە مدوو ئەوەگ ئاو لە ری چەم چنابەو نەڕەسێدە پاکستان.
لە وەڵام پرسیاریگ لەباوەت مدوو ڕێککەفتن لەناکاوی ئاگربەس، دار وت: "لە بەرژەوەنی گشتیە کە ئی پرسەیلە دوبا نەخەن"، وتیش: لایەن هیندستان درک وە رادەی ئەو زیانەیلە کردگە کە لەوەر پەرەسەنین ئاگربەسەوە کەفتنە.
وتیش: پەیوەندی ناوەین ئەو دوو لایەنە راستەوخۆ نەویەر وە پێچەوانەی ئەوەگ وەرپرسیگ سەربازی هیندستان لەبان وەرگردن پەیامیگ لە هاوتا پاکستانیەگەیەو وتیە.
دار وتیش: مارکۆ ڕوبیۆ وەزیر دەیشت ئەمریکا ئەو پەیامە رەسانیە کە هیندستان ئامادەس جەنگ بووسنێد. ڕوبیۆ لە بەیاننامەیگ وت: دیپلۆماسییە خەسەیل ئەمەریکا ریگری لە پەرەسەنین رەوشەگە کردگە.
لەباوەت ئەگەری پەنابردن ئەرا چەکیگ ئەتۆمی، دار دووپات کرد کە وڵاتەگەی لە وەخت پەرەسەنین ئی دویاییە وە هویچ شیوەیگ ئی کارە پەسەن نەکردگە، هەرچەن لە ساڵ ١٩٧١ەو بەدترین پەسەن بویە، وتیش: کە ئەو پەلامارەیل پاکستانە "وەرگری لە خوەی" بویە.
لە درویژەی قسەیلی وتیش: "ئیمە دڵنیا بویمن کە توانا ئاساییەیلمان بەسە ئەرا رەفتارکردن وەرد هەڕەشەیل وەبان زەوی و ئاسمان".