شەفەق نیوز/ عومران خان سەرۆک وەزیرەیل وەرین پاکستان، لەناو گردەوبوینیگ سیاسی، لە تەقەلای کوشتنی قورتار بوی، و گولەیگ دریا قولی.
رەئوف حەسەن یەکیگ لە گەورە یاوەرەیل عومران خان وت: تەندروسی عومران خان ئارامە، وتیش: یە تەقەلایگ بوی ئەرا کوشتنی و ئەو کابرای پەلاماردەرە کوشیا.
رۆیتەرز لەزوان چەن کەناڵیگ خەوەری ناوخوەیی وت: عومران خان، ئمڕوو پەنجشەممە، لە تەقەکردن وەبان دەسەگەی زەخمدار بوی.
خان لەناو ریپیوانیگ ناڕەزایی بوێ وەرەو ئیسلام ئاباد وەداوای هەڵوژاردن وەرجەوەخت، و راپۆرتەیل وتن پای زەخمدار بویە.
لەوەخت رمیانه لە نیسان گوزەشتە و عومران خان وەردەوامە لە گردەوکردن جەماوەری فرەیگ، و حزبەکەی لە چەن هەڵوژاردنیگ پەلی زاڵ بوی.