شەفەق نیوز/ دەسڵاتدارەیل ئەمریکی راگەیان تەرم 46 کووچبەر لە ناو بارهەڵگریگ لە وڵایەت تەکساس پەیاکردنە، وتیش گومانلێکریاگەیل وە ئەنجامدەر رویداوەگە دەسگیر کریانە. 

کەناڵ"ABC" وت: دەسڵاتدارەیل ناوخوەیی 16 زەخمدار ک 4یان زاڕوون کلکردنە ئەرا خەسخانە  ئەرا وەرگردن چارەسەر. 

وەپای فەرمانگای ئاگرکپکردن سان ئەنتۆنیۆ، بارهەڵگرەگە ک تەرمەیلە لەناوی پەیاکریایە، نە ئاو لەناوی بویە نە ئامێرەیل هوونککەر. 

بارهەڵگرەگە لەبان ری بویچگیگ ک رەسێدە ری سەرەکی پەیاکریایە، دەسڵاتدارەیل تایبەت دەسکردنە وە لێکۆلینەوە ئەرا ئاشکەراکردن چوینەیەتی رویداوەگە ک رویدایە. 

لە گوزەشت رووژنامەی" واشنتۆن پۆست"  باسکرد دەسڵاتدارەیل ئەمریکی 40 کوشیای و 15  زەخمدار پەیاکردنە. 

دەزگایەیل راگەیانن ئاشکەرایکردنە چگن کووچبەرەیلە ئەرا ئەمریکا جاریگتر رەسیەسە بەرزترین ئاست لەوەر گرفتەیل ئابووری لە وڵاتەیل هەژار نشین ک لەوەر پەتاگە بەدتریشەو بویە.