شەفەق نیوز/ دەسەڵات نوو سوریا کارخانەی هووشبەری "كبتاگۆن" گەورەیگ لەناو فيلایگ لە ناوچەی ديماس خوەرئاوای دیمەشق پایتەخت پەیا کرد.
ئاژانی ئەنادۆڵ پارچە ڤیدیۆیگ لە ناو کارگەی ماددە هووشبەرەیل ناو ڤێلاگە بڵاوکرد و لە دیمەنەیل دەیان بەرمیل لە ژوورەیل ڤێلاگە دەرکەفتن کە کەرەستەی خاو و ئامێر وەکار هاوردنە کە ماددە هووشبەرەگە لەناویان بوی.
لە ٨ کانوون دویەم، باڵە ئۆپۆزسیۆنەیل سوریا دەسیان نانە بان دیمەشق پایتەخت و شارەیل ترەک، وەگەرد کیشانەوەی هیزەیل رژیم ئەسەد، لە دامودەزگا گشتیەیل و جادەیلر وەیەوە کۆتایی وە سەردەمیگ هات کە ٦١ ساڵ حوکمڕانی رژیم حزب بەعس وەردەوام بوی، و ٥٣ ساڵ حوکمڕانی لەلایەن بنەماڵەی ئەسەد.
رمیان رژیم بەشار ئەسەد لە سوریا رووشنایی خستە بان باوەتیگ دڕکاوی و نهێنی کە گرنگترینیان زیندان و ناوەندەیل دەسوەسەرکردن و دروسکردن مادەی هووشبەری "کپتاگۆن"ە.
لەو وەختەو، بیجگە لە پارێزگایل حومس و دیمەشق و ئاوایەیل، دەس نانە بان دەیان کارگەی گەورەی کپتاگۆن لە کەناراوەیل سوریا.
هەمیش دەسنانە بان کارگەیل بەرهەمکردن هووشبەر کە ماددەیل کیمیایی هاناوی کە لەلی دروسی کەن، لەوانە بڕیگ فرە لە سۆدەی کاستیک (سۆدیۆم هایدرۆکساید) کە لەناو کیسەی گەورەک نریانە، هەمیش مادەی هاندەر کە دەرمان "ئەمفیتامین" هاناویان، بیجگە لە سەدان حەب ئامادە ئەرا فرووشتن کریاس.