شەفەق نیوز/ ئاڵشتبۊی نوویگ لە ڤایرۆس کەمبۊین و٢رگیری لەش "ئاێدز"، زانایەیلە وە کوشندەتر لەوەی وەرین باسی کەن. 

ماڵپەر "ساێنس" راگەیان، زانایلە جۊر نوویگ ڤایرۆس ئایدز لە هۆڵەندا پەیاکردنە و  دیارە بوودە هووکار  پیشکەفتن تۊنیگ لە بیماریەگە وە بەراورد وە  ڤایرۆسە ڕەسەنەگە.  

وە گورەی تەلەڤیزیۆن ئازاد لە ئەمریکا، (HIV) خانەیل وەرگری لەناودەێد ک وەپی ئۊشیەێد خانەی CD4 لە لەش، شمارەی ئی جۊرە  خانان کەمەو کەێد ، باوجی ئاڵشتبۊی نووەگەی ڤایزۆسەگە بوودە هووکار کەمی شمارەی ئی خانەیلە وە دو قات.   

وەگورەی قسەی  کریس وایمانت، تۊژەری گەپیگە لە  ئامار زانست بۆماوە  و دینامیکەیل هووکار  بیماری  لە زانکۆی ئۆکسفۆرد، وە پێچەوانەی ڤایرۆسە ڕەسەنەگە، ئەو کەسەیلە ک تۊش ئاڵشتبۊیە نووەگە بۊن ، لە ماوەی نۆ مانگ دەسنەکردن وە وەرگردن چارەسەر.   

توێژەرەگە هۆشداری دا ک ئاڵشبۊی نووەگە  زۊتر لە کەسەیل وەتەمەن ئەوزەڵکەێد.  

سایتەگە باس لەوە کەێد کە تۊژەرەرەیل ئەرایان دەرچگە ک دەرمان ئایدز وە خاسی کار کەێد لە دژ ئەو ئاڵشتبۊی نوویە.  

ویمانت وتیش،  دەرمانەگە تۊنێد خەراوبۊین سیستەم وەرگری بوسنێد وە مدووی ئاڵشبۊی نووەگە و ری لە گواستنەوەی ڤایرۆسەگە گرێد ئەرا کەسەیلتر .  

تیم تۊژینەوەگە ئەرایان دەرچگە ئاڵشبۊی نووەگە لە ئەوروپا و ئەمریکا بڵاو بۊیە.  

لەوەختیگ بیماری ئایدز ئەرا یەکەم جار پەیاکریایە، زیاتر لە 36 ملیۆن مردن لە جەهان  توومارکریایە و تا ساڵ 2020 نزیکەی 37 ملیۆن کەس لەو بیماریە وەگەرد ئەو بیماریە ژیەن، ک وە شیوەی سەرەکی لە خوەرئەڵات و باشووری ئەفریقا ژیەن.