شەفەق نيوز/ ئاگر لە ناوچەی دارستان سەختیگ لە ویلایەت نبراسکای ئەمریکا هیز گرد، کە زیاتر لە 2670 هكتارە، و سەدان ئەندام لە تیمەیل ئاگرکپەوکردن توەنستن نزیکەی 40 % لەو ئاگرە کپەو بکەن. جيسيكا بوزيل، خانمە جیجی وەڕیەوبەر فریاکەفتن لە کەرتەیل براون و ڕۆک وت: ئاگر "بلوم كريك" دویای نیمەڕو دووشەممە لە ئەنجام کار ئاگردانیگ کە لە کۆنتڕوڵ دەرچگ دەسوەپی کرد.

وتیش: ئەو ئاگرە کە 2683 هكتار سزان، وە شیوەیگ سەرەکی لە ناوچەی دووڵەیلیگ بڵاو بووک کە فرە لیژ و سەختن، وەگەرد بەشیگ لەو ناوچەیلە کە پڕە لە گژوگیا.

 ناوچەی جونستاون کە شمارەی دانیشتگەیلی نزیکەی 60 کەسە، نزیکترین ناوچەس ئەرا شوین ئاکرەگە لە ناوچەی ساندهيلز لە بەش باکوور ناوڕاس ویلایەت نبراسکا.