شەفەق نیوز/ ئاگر دارستانەیل لە شوونەیل خوەرهەڵات ناوڕاس، ک لە شەپۆل گەرمی بویەو بویە هووکار کوشتن ٣ کەس و هەمیش نا چار هەزاران کەس کرد ماڵەیلیان وەجی بیلن ، ومینەیلیگ تەقانەو وە دریژایی سنوور لوبنانی-ئیسڕائیلی، وەگورەی میدیایل فەرمی و وەرپرسەیل.
ئەو ناوچەیلەگ شەپۆل کەرمیەگە داگەلیان خویان؛ سوریا و لوبنان و ئیسرائیل وخاکەیل فەلەستینی و باشوور تورکیا، ک ئاگرەکە لە بەرزەوبوین پلەیل گەرمی هات وەشیوەیگ نا ئاسایی لەی وەختەیلە لە ساڵەگە.
ئاگرەیل دارستانەگان لە ناوچەیلیگ جوورا جور لە ئیسرائیل و کناراو خوەرئاوایی ئەرا دوویەم رووژ لە بڵاوبوین و هەزاران کەس ناچارکرد ک ماڵەیلیان وەجی بیلن.
لە فرەترین وڵاتە زەرەدمەنەگان لە ئاگرەکە خوەی سوریاس ک جەنگەگە ویرانی کردگە، وئاگرەگان بوینە هووکار کوشتن دوو کەس و تووشهاتن دەیان وە گرفتەیل هەناسە لەماوەی دوو رووژ گوزەیشتە.
هەمیش ئاگرەگان بوینە هووکار سزانن شوونەیل فراوانیگ لە دارستانەگان، فرەیان لە پارێزگای حمس ل ناوڕاس وڵاتەکە وپارێزگای لازقیەی کناراوی.