شەفەق نیوز - تاران

هێز دەریایی سەر وە سوپای ئیرانی، رووژ شەممە، راگەیان وە هەڵسیان ئاگريگ لە کەشتییگ نەفتهەڵگر دۊای داييني وە مینيگ دەریایی لە مەوقەی دەریاوانیی لە ناوچەیگ کە وەسفی کرد وە قەیەغەکریاگ و نائارام لە خوەرهەڵات تەنگەی هورمز.

 هێز دەریایی، لە بەیاننامەیگ کە میدیایەیل راگەیانن ئیرانی بڵاوی کردن دیاری کرد کە کەشتییەگە لە دەریاوانی بۊ لە ناوچەگە سەرەڕای هوشدارییەیل وەرین، دۊای وسانن سیستەمەیل چەودیاریکردن و ناسین تایبەت وەپي، وە ئاماژەداین وەرەو ئەوەگ مینەگە بۊە هووکار هەڵسیان ئاگر و ناچارکردنی لەبان وسيان.

 هێز دەریایی ئیرانی هوشداری دا لەوەگ ئەو کەشتییە نەوتهەڵگرەیلە کە چنە ناو ناوچە قەیەغەکریايەگە شایەت رۊوەرۊی رۊداوەیل هاوشیوە بوون، لە وەختیگ ئاشکرای ناو کەشتییەگە نەکرد یا قەوارەی زیانەیل و زەرەد گیانییەیل کە لە رۊداوەگە پەیا بۊنە.

 ئی رۊداوە دۊای راگەیانن هێز دەریایی سوپای پاسدارەیل ئیرانی تیەێد، لە وەختیگ گوزەشتە، لەباوەت وەرکەفتن دوو کەشتی نەفتهەڵگر وە تەقینەوە و ئاگر دۊای تویشهاتنیان وە مینەیل دەریایی لە ماوەی تەقەلایان ئەرا رەدبۊن لە تەنگەی هورمز لەڕی رێڕەویگ کە تاران وت ری وەپی نەیریاس.