شەفەق نیوز/ دویای نیمەڕوو پەنجشەممە ئاگریگ گەورە لە یەکیگ لە گەورەترین کارگەیل هەڵگردن پاتری لە جەهان هیز گرد، فەرمان چووڵکردن سەدان کەس دریا.

بڵویزەی ئاگر و دویکەڵ سیا وەرەو ئاسمان بەرزەو بوی، تا شەو پڵنجشەممە، هویچ نیشانەیگ نەوی کە ئاگرەگە کەمەو بوود، و نزیکەی 1500 کەسیش فەرمان وەپییان دریا کە مۆس لاندینگ و ناوچەی کۆرن سلاو چووڵ بکەن، وەگورەی رووژنامەی مێرکوری نیوز.

 کۆمپانیای ڤیسترا ئینێرجی کە بنکەی لە ویلایەت تەکساسە، خاوەن وێستگەی مۆس لاندینگ پاوەرە کە نزیکەی ١٢٤ کیلۆمەتر لە باشوور سانفرانسیسکۆەو دویرە و دەیان هەزار پاتری لیتیۆمی هاناوی.

 کپەوکردن ئاگرەگە فرە سەختە ئەگەر پاتریان ئاگر گردن، لەوەختیگ مدوو ئاگرەگە یەکسەر ئاشکرا نەویە.

کۆمپانیای ڤیسترا لە بەیاننامەیگ وت: دویای ئاگرگە، گشت ئەوانەگ لە شوینەگە بوین وەبیوەی دەرچگن.

 وەگورەی خەوەر رووژنامەی زە مێرکوری نیوز، ئاگر لە کارگەی ڤیسترا لە ماوەی ساڵەیل ٢٠٢١ و ٢٠٢٢ لەوەر کەموکوڵی لە سیستەم ئاوڕەشەی کپەوکردن ئاگر رویدا، کە بویە مدوو گەرمبوین بەشیگ لە یەکەیل.