شەفەق نیوز/ دەسەڵاتەیل دادوەری لە ئیران، وتن: ئاگر لەناو دارسانەیل لەوەر گەرمی کەشوهەوا تا ماوەی کەمیگ لەناو گژوگیای دەورگرد زیندان ئيڤين باکوور تەهران هیز گردیە، ک لە ئەنجام ئەو ئاگرە مین لە ناوچەیگ ئەمنی دەورگرد زیندانەگە تەقیەسەو.
ئاژانس خەوەری "ميزان" سەروە دەسەڵاتەیل دادوەری وت: ئەو ئاگرە ک تەنیا چەن خولەکیگ وەپی چگ، وەکوتپڕ کپەو کریا، و زەرەد وە چشتیگ نەڕەسان.
وتیش: ئاگەرەگە رەسیە تەپەیل دەورگرد زیندان ئيڤين و بویە هوکار تەقیان چەن مینیگ.
ئەو زیندانە کە چواردەوری وە سیم دڕکین کارەباداریش تەیمانەی کریایە، يە ماوەی درویژیگە زیندانیە سیاسییەیل ناودیار ئیرانی، و بیگانەیل خاوەن دوو رەگەزنامە لەناوی زیندانی کریەن.
ئەو زیندانە لە گەڕەک ئیڤین لە تەهران هەمیش کەسەیل ئۆپۆزسیۆن هاناوی ک لە ناڕەزایەتیەیل دویای مردن ژینا ئەمینی ئەو دویەت کورد ٢٢ ساڵانە وەدەس پولیس ئەخلاق. دەسگیر کریان.
ریخریاگ هیومن راستی ووتچ ئویشێد: وەگەرد ساڵەیل، ئەو زیندانە گەورەو بوی تا رەسیە چەن قاتیگ.
لە ئۆکتۆبەر گوزەشتە، ئاگر لەناو بەشیگ لە زیندانەگە هیز گرد، کە بویە هوکار کوشیان هەشت کەس لەلای کەمەو.