وەگەرد هاتن ساڵ نوو، زەویلەرزەی قایمیگ داد لە یابان بویە هوکار رمیان ماڵەیل و ویرانکردن ریوبانەیل، و بویە هوکار کوشیان ٩٢ کەس.

شمارەی کوشیاگەیل کە لە سەد رەد نەکرد هەرچەن زەویلەرزەگە فرە قایم و سەخت بوی، پرسیاریگ دروس کرد ئایا یابان رەسیەسە چ ئاستیگ لە نواگیریکردن زەویلەرزە؟

وەگورەی رووژنامەگە، پەنج خاڵەگەی یابان ئەرا نواگیریکردن زەویلەرزە یانەن:

یەکەم: بینا وقەتارەیل دژوە زەویلەرزە

دەسەڵاتەیل یابان مەرج و شیوەیلیگ تایبەت ئەرا بیناکردن چەسپانن، تا بینایلە توانای پلەیلیگ لە لەرزین بیاشتوون.

هەمیش ئی وڵاتەگە ئامێر هەسکردن لەناو قەتارەیل دانا، تا مەوقەی زەویلەرزە قەتار لەشوین خوەی بووسنێد.

دویەم: هوشیاری و یایگردن

مەکتەوەیل یابان هەمیشە هوکارەی خوەنەوارەیل کەن چوین شوین خاسیگ پەیا بکەن هەناێ زەویلەرزە بوود، و چوین لەناو بینایل بچنە دەیشت و خوەیان قورتار بکەن.

سێیەم: کەرەستەیل قورتاربوین لە زەویلەرزە 

لەناو گشت ماڵ و بینایگ پشتین و کەرەستەیل قورتاربوین هەس، جویر چراغ و خوەراکیگ ئامادەکریای، و ئاو ناو بوتڵ، و دەسکیش و دەمامەک و ئامێر وایەرلێز.

چوارەم: تووڕ تونێل ئەرا ئاوەڕۆی 

وەگەرد زەویلەرزە رخیگ لە لافاو و تسۆنامی پەیا بوود، ئەراوە تووڕیگ تایبەت ئەرا دەرچگن ئاو وەرەو چەمە نزیکەیل دروس کریا.

پەنجەم: پەیوەندیکردن راگەیانن 

 میدیایل راگەیانن لە یابان هەمیشە رۆماێ فەرمی و کوتپڕ ئەرا زەویلەرزە دیرێد، کە زویوەزی زانیاری ئەرا شوینەیل ئارام و بیوەی بڵاو کریەێد، و هەمیش باس شەپوول تسۆنامی کریەێد ئەگەر وەرەو شوینیگ نزیکەو بوود، تا مەردم ئاگادار بوون و بچن وەرەو شوینەیل بەرز.