شەفەق نیوز/ پاپا فرانسیس، هەرلە باڵیۆز ئیسرائیل و فەلەستین لەناو باخچەیل ڤاتیکان گردەو کرد، تا نماز ئەرا کۆتاییهاوردن وە جەنگ غەزە بخوەنن، لە دەیەم ساڵیاد دیداریگ هاوسیوە وەرد سەرۆک ئیسرائیل و فەلەستین، وەگەر هاوار نوویگ وەخاتر ئاشتی.
فرانسیس ئەرا ئەو بڕ کەمە لەو کەسەیلە کە نزیکەی بیس کەس لە کاردیناڵ و دیبلۆماسیەیل لەلای تەخت پەیغەمبەری وت: گشت رووژیگ نماز کەم تا ئی جەنگە تەواو بوود.
رافائیل سوتز باڵیۆز ئیسرائیل و عیسا قسیسیە باڵیۆز فەلەستین وەگەرد نوێنەرەیل مەردم بەخودی و موسوڵمان لە ئیتاڵیا لەورا بوین.
وەرجە دە ساڵ، فرانسیس میوانی شەمعوون پیریز سەرۆک ئیسرائیل ئەو وەختە و محمود عەباس سەرۆک فەلەستین کرد.
ئەو وەختە بڕیگ دانوسەنین ئەرا ئاستی وە دەسوەردان ئەمریکا نەڕەسینە ئەنجام.
فرانسیس لەو وەختە وت: ئی هەمکەی زیانە، و وەحشیانەی جەنگە، و ئەو تونەڕەویە کە دەردەێد، و ئەو خوسە کە خەێدە ناو نەوەیل هاتگ، بایەسە باوەڕ وە گشتمان بارێد، کە هەر جەنگیگ جەهانیگ بەدتر وەجیهیلێد.