شه‌فه‌ق نيوز/ ئه‌و هيزه‌يله ك مه‌ندنه‌سه‌و له چوارچێوه‌ى ريككه‌فتن ئه‌تۆمى ناوده‌وڵه‌تى، ره‌زامه‌نى ده‌رخستن له‌بان وه‌رده‌وامى كار ئه‌را دروسكردن ميكانيزميگ تايبه‌ت له‌وه‌ر مقه‌يه‌تيكردن له بازرگانيكردن وه‌ل ئيران و له‌وانه‌يش له بوار نه‌فت، ئه‌ويش دوياى خوه‌يكيشانه‌وه‌ى وڵاته‌يل يه‌كگرتگ له‌و ريككه‌فتنه ك ساڵ 2015 ئمزا كريا.
له‌ى باوه‌ته‌و، فيدريكا موگيرينى وه‌رپرس سياسه‌ت خارجيه‌ى له يه‌كێتى ئۆرپا دوياى دانيشتن وه‌ل وه‌رپرسه‌يل گه‌ورا له بريتانياو چين و فره‌نساو ئه‌ڵمانياو روسياو ئيران ئه‌را رووژنامه‌نويسه‌يل وت: دوير له هه‌وه‌جه ئه‌را ره‌سين وه ئه‌نجامه‌يل، به‌شداربويه‌يل خوه‌شاڵ بوينه وه‌و پيشنياره‌يله له‌وه‌ر مقه‌يه‌تى له بازرگانى و له‌وانه‌يش ده‌سپيشخه‌رێ ئه‌را له‌وه‌رگرتن ميكانيزميگ تايبه‌ت وه‌خاتر ئاسانه‌وكردن كاره‌يل په‌يوه‌س وه هه‌نارده‌يل ئيران و له‌وانه‌يش نه‌فت.
موگيرينى له نيويۆرك وت: يه‌كێتى ئۆرپا قه‌واره‌يگ ياسايى دامه‌زرنێد وه ئامانج وه‌رده‌وامى بازرگانى وه‌ل ته‌هران و له‌وانه‌يش سه‌ندن نه‌فت ئيرانى و دوياخريش لاوه‌كردن له‌و سزايله ئه‌مريكيه ك چه‌سپياگه له‌بان ئيران.