شه‌فه‌ق نيوز/ وزاره‌ت خارجيه‌ى ئيماراتى ميواندارى وه‌ڕيه‌وبه‌ر كاره‌يل باڵوێزخانه‌ى ئيرانى له‌ ئه‌بو زه‌بى كرد و ناڕازيه‌ ك ته‌هران پڕچه‌ك حووسيه‌يل كردگه‌ له‌ يه‌مه‌ن.

له‌ى باوه‌ته‌و، رووژنامه‌ى ئه‌لوه‌ته‌ن ئيماراتى ئه‌وه‌ ده‌رخست ك وزاره‌ت خارجيه‌ى وڵاته‌گه‌ى ميواندارى وه‌ڕيه‌وبه‌ر كاره‌يل باڵوێزخانه‌ى ئيرانى له‌ ئه‌بو زه‌بى كردكه‌و ياداشتيگ ناڕه‌زايه‌تى وه‌پى سپاردگه‌ له‌باره‌ى ئه‌وه‌گ ئيران وه‌شيوه‌يگ ناياسايى چه‌ك ئه‌ياده‌ ميليشيايه‌يل كووده‌تا له‌ يه‌مه‌ن.

جى باسه‌، خارجيه‌ى ئيماراتى ئى كرده‌وه‌ وه‌ سه‌رپيچييگ له‌وه‌رانوه‌ر برياره‌يل ئه‌نجومه‌ن ئاسايش زانست ك قه‌يه‌غه‌ى ئى مه‌سه‌له‌ كردگه‌.