شه‌فه‌ق نيوز/ بڕياره‌يليگ ك له‌لايه‌ن ده‌سڵاته‌يل ئيرانييه‌و ده‌ركريان له‌باره‌ى داخستن مه‌زارگه‌يليگ ئايينى ناودار وه‌خاتر ريگرى له بڵاوبوينه‌وه‌ى ڤايرۆس كۆرۆناى تازه، بويه جى تويڕه‌يى شماره‌يگ له هاووڵاتيه‌يل ك بڕياره‌گه ره‌ته‌و ئه‌كه‌ن و په‌لامار ئه‌را بان شماره‌يگ له شوونه‌يل ئايينى دان تا بچنه ناويان.
له‌ى باوه‌ته‌و, شماره‌يگ له هاووڵاتيه‌يل له ئيران له گرته‌يگ ڤيديۆيى ك بڵاو كرياگه ده‌ركه‌فتگه ك په‌لامار قاپيه‌يل مه‌زارگه‌ى پيرووز ئيمام ره‌زا سڵام خودا له‌لى له مه‌شهه‌د ئه‌يه‌ن له باكوور خوه‌رهه‌ڵات وڵاته‌گه.
جى باسه، يه‌يش له‌وه‌ختيگه زويتر ده‌سڵاته‌يل ئيرانى ئاشكراى داخستن چوار شوون ئايينى كرد له وڵاته‌گه جوور رێ وشوونيگ ته‌ندروستى ئه‌را ريگرى له بڵاوبوينه‌وه‌ى ڤايرۆس كۆرۆنا ك پيكهاتنه له: مه‌زارگه‌ى ئيمام ره‌زا له مه‌شهه‌د، مه‌قام فاتمه‌ى مه‌عسوومه، مه‌سجد جه‌مگه‌ران له قوم و مه‌زارگه‌ى شا عه‌بدولعه‌زيم حه‌سه‌نى له ته‌هران پايته‌خت.
معترضان قمی با نقض مصوبه ستاد مقابله با کرونا، با شعار حیدر، حیدر درب حرم معصومه را باز کردند و رفتند که شفا بگیرند، کرونا کیلویی چند؟ pic.twitter.com/qR7O0zj5os
— رضا حقيقت‌نژاد (@rezahn56) March 16, 2020