شه‌فه‌ق نيوز/ موحسن ره‌زايى ئه‌ميندار كۆمه‌ڵه‌ى ده‌سنيشانكردن به‌رژوه‌نديه‌يل ئيران، وشدارى دا ئه‌مريكا له ئه‌نجامداين هه‌ر نه‌فامييگ ك بدێده مايه‌ى په‌شيمانبوينه‌وه‌ى و ئاماژه وه‌يه‌يش كرد ك ئيران جوور عراق يا ئه‌فغانستان نيه.
ره‌زايى له‌بان لاپه‌ڕه‌ى تايبه‌ت خوه‌ى له يه‌كيگ له ماڵپه‌ڕه‌يل په‌يوه‌ندى كۆمه‌ڵايه‌تى له‌وه‌ر جواودانه‌وه‌ى لێدوانه‌يل سه‌ركرده‌ى هيزه‌يل ناوه‌ندى ئه‌مريكى نويساگه: "فوتيل" تومه‌ته‌يليگ دوباره‌وه ئه‌كا دژ ئيران له‌وه‌ر ئه‌نجامداين كرده‌وه‌يل سه‌ربازى ك وه چالاكيه‌يل ئيران له ناوچه‌گه تاريفى ئه‌كاو بايه‌سه له‌بان ئى سه‌رباز ئه‌مريكيه ئه‌وه بزانێد ك چالاكيه‌يل ئيران له كه‌نداو و ناوچه‌گه له به‌رژه‌وه‌ندى وه‌ده‌سهاوردن ئاسايش و ئاشتيه‌و ئيوه‌يش بايه‌سه له باندان ده‌خاڵه‌ت هاوپه‌يمانه‌يل ناشه‌عيدان بووسنين له ناوچه‌گه‌و دوير بگرين له خوينڕشانن.
جى باسه، ره‌زايى وشدارى دا ئه‌و وه‌رپرس سه‌ربازى ئه‌مريكيه له پلكانن هه‌ر كرده‌وه‌يگ سه‌ربازى دژ ئيران و وت: بايه‌سه ئه‌وه بزانين ك ئيران جوور عراق يا ئه‌فغانستان نيه‌و ئه‌نجامداين هه‌ر كرده‌وه‌يگ په‌شيمانى ها شوونى ئه‌رادان.